နွေခေါင်ခေါင်မှာ
အသံမပေးဘာမပေးနဲ့
စစ်ချီတေးတွေနဲ့
လောကထဲရောက်လာတယ် .......
လူမှန်းမသိခင်ကတည်းက
အဖေရဲ့စစ်သားမာန်အောက်မှာ
ကျနော် ...... မကလန်ရဲခဲ့ဘူး ။
အသက်(၆)နှစ်
၈၈ .... မှာ
ကလေးတစ်ယောက်ရဲ့အသိ
ဒီမိုကရေစီမရှိ ......
လူ့အခွင့်အရေးမရှိ ......
ဘာ ...... ခံယူချက်မှလည်းမရှိ
သေနတ်တွေကို
ကြောက်တတ်တာပဲရှိတယ်။
အဲဒီတုန်းက ......
ကျနော့်ခေါင်းက
ခွပ်ဒေါင်းခေါင်းစည်းလေးကို
အဖေဆွဲဖြဲခဲ့တယ်။
အဖေတို့စစ်သားတွေဟာ
အဲဒီလိုပါပဲဗျာ ......
ကျောင်းသားတွေ ..... ပြည်သူတွေ
တနိုင်ငံလုံးရဲ့အသဲကိုခွဲ
တိုင်းပြည်ကို ငရဲထဲဆွဲချတယ်။
အဲဒီတုန်းက
အိပ်ယာခေါင်းရင်းမှာ
ဂျီသရီးကိုကျည်ထိုးပြီး
အမြဲလို .... အဆင်သင့်ထောင်ထားတယ်။
ဘယ်သူတွေက သောင်းကျန်းသူလဲလို့
ကျနော်မေးတတ်ခဲ့ရင်ကောင်းမှာပဲ
အခုတော့ ......
ကျနော်နဲ့ အဖေနဲ့ကြားမှာ
မပြယ်နိုင်တဲ့ မြူတွေဖုံးခဲ့သလို
အစိမ်းရောင်မှန်သမျှ မုန်းတတ်လာတယ်။
No comments:
Post a Comment