ဒီနေ့တော့ စိတ်ထဲမှာတစ်မျိုးပဲ။
အလုပ်မှာအဆင်ပြေပါ့မလားမသိဘူး ။
အို... လမ်းသွားရတာစနိုးစနောင့်နဲ့ ခဏခဏခလုတ်တိုက်နေပါလား ။
တစ်ယောက်ယောက်နဲ့တော့ စကားများရဦးမယ်ထင်တယ် ။
ဟာ.... အရေးထဲမှ ဖိနပ်ကပျက်ပြန်ပြီ ။
ဒီနေ့ဘာဖြစ်နေတာပါလိမ့် ။
အဲဒီလိုမျိုး ကပေါက်တိကပေါက်ချာနေ့မျိုးကို မိတ်ဆွေကြုံဖူးပါသလား ။
မကြာခဏမဟုတ်ရင်တောင် တစ်ခါတလေတော့ကြုံဖူးကြမယ်ထင်ပါတယ် ။
တကယ်တော့ လူ့ဘ၀ဆိုတာ မိတ်ဆွေအတွက် အကောင်းတွေရော၊ အဆိုးတွေကိုပါ
ရှာကြံပြီး ဆက်သနေရတဲ့ ဇာတ်ခုံတစ်ခုပါ။
မိတ်ဆွေဟာကြိုးစားပါလျက်နဲ့ ကျရှုံးကောင်းကျရှုံးနေမယ် ။
သတိထားပါလျက်နဲ့ အဆင်မပြေမှုတွေနဲ့ပဲ ရင်ဆိုင်ကောင်းရင်ဆိုင်နေရမယ် ။
ဒါမှမဟုတ် လူတွေနဲ့ အဆင်မပြေဖြစ်ရင်ဖြစ်နေမယ် ။
အဲဒီလို အဆင်မပြေမှုတွေ၊ ကျရှုံးမှုတွေကြောင့်
မိတ်ဆွေဆီမှာ သို့လော၊ သို့လောမေးခွန်းတွေထွက်ပေါ်လာပါလိမ့်မယ် ။
အခုကျနော်ပြောတဲ့ အခြေအနေကိုမိတ်ဆွေကြုံဖူးခဲ့မယ်ဆိုရင်
ဘယ်လောက်ခံစားရခက်တယ်ဆိုတာ သိပြီးသားဖြစ်နေမှာပါ ။
အဲဒီလိုအဖြစ်မျိုးတွေ နောက်တစ်ကြိမ်ကြုံလာရင်ပဲဖြစ်ဖြစ်၊
တစ်ခြားတစ်ယောက်ကြုံလာရင်ပဲဖြစ်ဖြစ်
အမြန်ဆုံးကုစားနိုင်မယ့်နည်းကို ကျနော်အကြံပြုပါရစေ ။
" ဘာပဲဖြစ်ဖြစ်စိတ်မညစ်နဲ့
စိတ်ညစ်တဲ့အခါ အိပ်ပစ်ပါ....။ "
No comments:
Post a Comment