မြန်မာနိုင်ငံရဲ့ ရွေးကောက်ပွဲဥပဒေတော့ထွက်လာပါပြီ။
မိုးစက်နီကတော့ နိုင်ငံရေးနဲ့ပတ်သက်လာရင် ဒုံးဝေးလွန်းလို့
ပရိသတ်ပဲလုပ်တော့မယ်လို့ စိတ်ကူးထားမိတယ်။
ရွေးကောက်ပွဲဆိုတာ ဘာလိုဟာမျိုးကြီးလဲဆိုတာတောင်
ကောင်းကောင်းမသိလေတော့ ကိုယ့်ပါးစပ်ကိုယ်ပိတ်ပြီး မင်သေသေနဲ့
နိုင်ငံရေးဂုရုဂိုက်ဖမ်းပြီးပဲ ဘေးထိုင်၊ ဘိုင်ကျ၊ ဘုပြောရင်ကောင်းမလားလို့။
တကယ်ပြောပါ ..... မြန်မာပြည်မှာက ရွေးကောက်တာတို့၊ အများသဘောနဲ့ဆုံးဖြတ်တာတို့က
ပပျောက်သွားတာကြာပြီဆိုတော့ မိုးစက်နီပြေးမြင်ယောင်မိတဲ့ ရွေးကောက်ပွဲက
ဇကောတွေ၊ ဇကာတွေနဲ့ ရွာအလှူတွေမှာ စပါးလုံးဝိုင်းရွေးကြတာမျိုးလို့ပဲ ထင်မိပါတယ်ဗျာ။
အဲဒီလိုသာဆိုရင်တော့ ၀င်ပြီးအရွေးခံကြမယ့်ပါတီတွေထဲက ဘယ်သူတွေဆန်စေ့အဖြစ်တင်ကျန်ရစ်ပြီး
ဘယ်သူတွေကတော့ စပါးလုံးဘ၀နဲ့ အဖယ်ခံရ၊ ကြက်ကျွေးခံရမလဲဆိုတာ စိတ်ဝင်စားစရာပဲ။
ရွာဆော်ငပွကြီးမဲလုံးကတော့ ဇကောပေါက်ကျဲကျဲကြီးကိုင်လို့ ပြုံးဖြီးဖြီးနဲ့ စောင့်နေလေရဲ့ .......
ရွေးကောက်ပွဲဝင်ပါတီတွေခမျာ မဲလုံးရဲ့ ဇကောထဲမှာ ချာလည်ပတ်လည်ရမ်းပြီး ဘေးရောက်မှာတော့
ကျနော်မိုးစက်နီက မြင်ယောင်မိပါကြောင်း ........ ။
No comments:
Post a Comment